Presidenti i SHBA-ve, Donald Trump, ka urdhëruar një sulm ajror kundër objektivave qeveritare siriane, si hakmarrje ndaj sulmit me armë kimike ndaj civilëve.
Kështu, luftanijet luftarake kanë lëshuar 50 raketa, ndërsa Trump paralajmëron se ky është vetëm fillimi për t’u dhënë fund viktimave të pafajshme.
“Urdhërova sulm ndaj Sirisë dhe ky është vetëm fillimi. Kjo sepse Bashar Al Assad i ka thyer çdo rregull të OKB’së. SHBA bashkë me aleatët do ta ndalë dhunën në Siri dhe çdo lloj terrorizmi në këtë shtet. Lutemi që të ndalen viktimat e pafajshme”, tha presidenti Trump.
Sulmin ajror të SHBA-ve e ka mbështetur Britania, duke e konsideruar këtë veprim një përgjigje të përshtatshme.
“Kjo është përgjigja e përshtatshme. Qeveria e Mbretërisë së Bashkuar mbështet plotësisht veprimin e SHBA, për të cilën ne besojmë se ishte një përgjigje e përshtatshme pas sulmit me armë kimike, që e nisi regjimi sirian”, ka thënë zëdhënësja britanike.
