Presidenti serb Aleksandar Vuçiç ka paralajmëruar se nëse çështja e Kosovës dhe Metohisë nuk zgjidhet, “në 20 vjet do të humbim gjithçka”.
“Nuk doni një ndarje me shqiptarët? Asnjë problem, thuaji njerëzve të përgatiten për të mbrojtur Vranjen (një qytet në pjesën jugore të Serbisë qendrore) për 40 vjet. A nuk mendoni se populli ynë po largohet nga ne duke filluar nga sot? Për çdo marrëveshje qëdo të bëj, unë do të paraqes të gjitha të dhënat, “tha Vuçiç të premten.
Kjo ishte përgjigjja e tij kur gazetarët kërkuan i kërkuan një koment lidhur me një letër të hapur të dërguar nga peshkopi ortodoks serb i Rashkës dhe Prizrenit, Teodosije, i cili paralajmëroi se “ndarja e territoreve” do të çonte në dëbimin e serbëve nga provinca jugore, domethënë nga Kosova, dhe një gjë e tillë do të vinte në rrezik trashëgiminë kulturore serbe.
Vuçiç vuri në dukje se “përgjigja më e mirë për këtë tashmë është e përfshirë në një pyetje gazetareske”, duke u shprehur se: “nuk është ajo që paralajmëron peshkopi Teodosije lidhur me atë çfarë po ndodh tani, por fuqitë botërore dhe shërbimet e huaja kanë të njëjtin argument sepse ata nuk duan kufij etnikë”.
“Diçka, sigurisht, është më mirë se asgjë,” tha Presidenti. Ai akuzoi “veçanërisht kundërshtarët e tij politikë” duke thënë se ata nuk duan që të arrihet një marrëveshje me Kosovën.
“Ata duan të jenë më të sigurt sot, dhe nesër? Çka u intereson?”-vazhdoi Vuçiç. “Thelbi”, sipas presidentit, është në kundërshtarët e tij po e shikojnë çështjen e Kosovës si “baza më e mirë për të ulur sundimin e tij”.
Vuçiç tha gjithashtu se do të bëhej publik me një propozim për një zgjidhje “nëse unë mund të arrij marrëveshje me dikë për diçka,do ta publikoj. Por deri tani nuk ka arritur asnjë marrëveshje me shqiptarët”.
“Ende nuk do të tregoj detaje nga marrëveshja që mund të arrihet, por unë do t’i përgjigjem të gjithëve në Serbi dhe në mbarë botën, do t’u them qartë se cilat fuqitë botërore dhe shërbime të huaja kanë të njëjtin argument si ne. Shteti i Kosovës, një shtet shqiptar në Kosovë, do të paguajë 650.000 euro për Kishën tonë, që ne duam, nga ky shtet jo-ekzistues,” tha më tej Vuçiç.
Në të njëjtën kohë, Vuçiç theksoi se “askush nuk do të na kërkojë ndarje, as diçka të ngjashme”.
Burimi: B92
Përshtati: Tirana Today
