Dy ngjarje të rënda kanë tronditur dje qytetin e Korçës, ku dy persona i kanë dhënë fund jetës. Një 55-vjeçar me inicialet B.R, është gjetur i vetëvarur në banesën e tij.
Familjarët kanë rrëfyer para uniformave blu se viktima vuante nga depresioni. Sakaq, ende nuk janë sqaruar rrethanat që çuan 55-vjeçarin të kryente këtë akt të rëndë.
Më herët, policia e këtij qarku njoftoi edhe për vdekjen e një vajze 30-vjeçare, e cila kishte konsumuar fostoksinë.
Kanë qenë familjarët e së resë që e kanë gjetur në banesë, në fshatin Symiz. Pavarësisht se është transportuar me urgjencë për në spitalin e Korçës, ajo nuk ia ka dalë dot mbanë. Ende nuk dihen shkaqet e kësaj ngjarje të rëndë.
