“Shërbimet e kundërspiunazhit kanë zbuluar një trekëndësh dashurie, ku janë përfshirë liderët shqiptarë të Kosovës”. Kështu e nis shkrimin gazeta serbe “Kurier”, në të cilën pretendon se ka zbuluar një lidhje dashurie të fshehtë mes gruas së Presidentit të Kosovës, Hashim Thaçit dhe Kryeparlamentarit të Kosovës, Kadri Veseli.
Sipas Kurir që publikuar në numrin e sotshëm një kryeartikull me këtë çështje, thekson se Lumnije Thaçi është kapur në moment intime me Kadri Veselin, i cili është rivali i burrit të saj, Presidentit Hashim Thaçi.
Gazeta ka anoncuar këtë lajm në versionin e saj online në orët e vona dhe njofton lexuesit se fotot dhe detajet e skandalit seksual mes liderëve të shtetit të Kosovës e ka publikuar në versionin print.
Gazeta bën të ditur se Lumnije Thaçi dhe Kadri Veseli janë përfshirë në skandal seksual dhe se disponon fotografi të tradhëtisë, në piknik apo në vende të tjera pikante.
Sipas gazetës serbe arsyeja e vërtetë e urrejtjes mes Thaçit dhe Kadri Veselit nuk është përplasja politike, por bashkëshortja e Thashim Thaçit. Ndërsa në vijim pritet që të publikohen të dhëna të tjera në lidhje me këtë lajm, i cili mesa duket do të tronditë rëndë politikën në Kosovë. Pritet që gazeta të postojë në versionin online të gjitha faktet në të cilat është bazuar për të bërë publik një lajm kaq të rëndë për qeverinë e Kosovës.
