Delegacioni i Bashkimit Europian në vendin tonë ka reaguar lidhur me shpërthimin e tritolit në banesën e gjyqtarit Tonin Sterkaj në Shkodë.
Në postimin e tyre, shprehen se e dënojnë ashpër sulmin e bërë ndaj tij. Më tej thuhet, se siguria e gjyqtarëve dhe prokurorëve nga kërcënimet është thelbësore për pavarësinë e gjyqësorit. Gjithashtu BE shpreh mbështetjen e plotë për gjyqtarët dhe prokurorët e sistemit gjyqësor në Shqipëri.
REAGIMI I BE:
Ne dënojmë ashpër sulmin e bërë së fundmi ndaj një gjyqtari në Shqipëri. Siguria e gjyqtarëve dhe prokurorëve nga kërcënimet është thelbësore për pavarësinë e gjyqësorit dhe në luftën kundër korrupsionit dhe krimit të organizuar. Bashkimi Evropian shpreh mbështetjen e plotë për gjyqtarët dhe prokurorët e sistemit gjyqësor në Shqipëri.
Banesa e gjyqtarit Tonin Sterkaj në Shkodër u trondit në orët e para të së dielës nga shpërthimi i një sasie tritoli. Sipas policisë, ngjarja ka ndodhur rreth orës 3 e 13 minuta, në portën e banesës se gjyqtarit, në lagjen “Tom Kola”, në kohën kur ai ndodhej në banesë së bashku me familjen. Autori ka qenë me kapele në kokë dhe është afruar pranë portës së hekurt ku ka hedhur lëndën plasëse dhe është larguar sërish në këmbë, duke shfrytëzuar disa rrugica në zonë. Kamerat e sigurisë kanë filmuar ngjarjen dhe po ashtu janë marrë dhe pamjet e kamerave të tjera në zonë për të parë lëvizjet e autorit. Sterkaj në dëshminë e tij para policisë për tritolin, ka deklaruar se nuk ka probleme me njerëz. Ndërkohë që ka theksuar se dyshimet në lidhje me tritolin në banesë, i ka te profesioni i tij si gjyqtar. Këshilli i Lartë Gjyqësor ka kërkuar nga organi akuzës që të zbardhet sa më parë ngjarja dhe personat e përfshirë të dalin para drejtësisë.
https://l.facebook.com/l.php?u=https%3A%2F%2Fklgj.al%2F2024%2F04%2Fdeklarate-8%2F&h=AT125nULpEv76lSdV2tap19rsai4QEdbKxWGsSDTcN28hKX3sjz9BE3B8GYgRARTRAUzMcDh9UIFRbTM4eq1rz7w9T7uwZMhHHB7LLSMxdGfMbOFc7SD8bq7CX9NJmh2DZeXYw6ytpURXdcZJ08buWrcMXxQcxa62ebF3IaFnVpZ
