Mbrojtësi i djathtë anglez, Trent Alexander-Arnold, 26 vjeç, është transferuar te Real Madridi, me të cilin ka nënshkruar një kontratë 6-vjeçare, e vlefshme deri në vitin 2031.
Pas 20 viteve të kaluara te Liverpooli, ku zhvilloi 354 ndeshje, shënoi 23 gola dhe regjistroi 92 asistime, Alexander-Arnold vendosi të mos e rinovojë kontratën që skadon më 30 qershor 2025.
Fillimisht, pritej që transferimi të ndodhte pas përfundimit të kontratës, por Real Madridi arriti një marrëveshje me Liverpoolin për ta sjellë lojtarin më herët, me qëllim që të jetë gati për Kupën e Botës për Klube, që nis më 18 qershor. Për këtë, klubi spanjoll do të paguajë 10 milionë euro dhe do të mbulojë pagën e lojtarit për muajin qershor.
Ky transferim shënon një hap të rëndësishëm në rindërtimin e mbrojtjes së Real Madridit, ku Alexander-Arnold pritet të zëvendësojë në mes afatshkurtër Dani Carvajalin. Ai do t’i bashkohet skuadrës më 11 qershor, pas përfundimit të angazhimeve me kombëtaren e Anglisë.
