Gjykata e Ipswich ka dënuar tre shqiptarë për trafikim droge, pjesë e një grupi kriminal të përfshirë në shpërndarjen e kokainës në Mbretërinë e Bashkuar.
Azem Ferizolli (24 vjeç) u dënua me 8 vjet e 6 muaj burg, Halit Ferizolli (34 vjeç) me 9 vjet, ndërsa Genart Loca (23 vjeç) u dënua me 7 vjet burg.
Hetimet zbuluan se grupi kishte vepruar mes viteve 2020-2022, duke shpërndarë sasi të konsiderueshme droge.
Në vitin 2023, pesë anëtarë të tjerë të grupit u dënuan me 15 vite burg në total, mes tyre:
Avenis Dida (22 vjeç): 2 vite e 8 muaj
Hayg Boduryan (33 vjeç): 4 vite
Kastriot Rexha (24 vjeç): 2 vite e 8 muaj
Arxhend Bera (18 vjeç): 2 vite e 6 muaj
Artan Kastrati (33 vjeç): 3 vite e 2 muaj
Gjatë bastisjeve, policia sekuestroi mbi 50,000 £ para cash, orë luksoze Rolex me vlerë 25,000 £, sende të tjera luksoze dhe një makinë Toyota Prius. Gjithashtu, u gjetën sasi të konsiderueshme kokaine dhe një pasaportë e dyshuar false.
