Policia e Fierit ka marrë nën akuzë tre persona për vepra të ndryshme penale, pas hetimeve të kryera në ditët e fundit.
Laurent R., 36 vjeç, u arrestua në flagrancë pasi drejtonte automjetin në gjendje të dehur dhe u përplas me një tjetër automjet, duke shkaktuar dëme materiale.
Po ashtu, në gjendje të lirë u procedua R. M., 58 vjeç, i cili akuzohet për dëmtimin e automjetit të një gruaje 47-vjeçare, për motive të dobëta.
Policia ka shpallur në kërkim A. B., 38 vjeç, i dyshuar për vjedhjen e dy monopatinave elektrike, pronë e një 62-vjeçari.
Dosjet për tre rastet janë dorëzuar në Prokurorinë e Fierit për hetime të mëtejshme.
