Një aksident rrugor është regjistruar këtë të martë në aksin Gjirokastër-Kakavijë pranë fshatit Jorgucat.
Dy automjete me drejtues shtetasit K. S., 28 vjeç, banues në Delvinë dhe N. T., 58 vjeç, banues në Gjirokastër u përplasën, ku si pasojë u lënduan dy drejtuesit si dhe një pasagjere.
Të lënduarit janë dërguar në spital dhe ndodhen jashtë rrezikut për jetën.
Pritet njoftimi i policisë për informacione të mëtejshme.
Kjo e martë ka nisur me aksidente në vendin tonë, për fat të mirë pa pasoja me vdekje. Më herët u shënua një aksident në Lushjnë dhe në Lezhë.
Njoftimi policise
“Rreth orës 09:45, në aksin rrugor Gjirokastër-Jorgucat, në vendin e quajtur “Kryqëzimi i Jorgucatit”, janë përplasur dy automjete me drejtues shtetasit K. S., 28 vjeç, banues në Delvinë dhe N. T., 58 vjeç, banues në Gjirokastër.
Për pasojë, kanë mbetur të dëmtuar të dy drejtuesit e mjeteve, si dhe pasagjerja A. S., rreth 20 vjeçe, e cila ndodhej në automjetin që drejtohej nga shtetasi K. S.
Shtetasit e dëmtuar u transportuan në spital për të marrë ndihmën mjekësore dhe ndodhen jashtë rrezikut për jetën.
Në vendngjarje ndodhet grupi hetimor dhe po punon për zbardhjen e shkaqeve të aksidentit.”-njofton policia.
