Trajneri shqiptar, Besnik Hasi ka nisur aventurën e tij në krye të kampionëve grekë, Olimpiakos. Teksa ka marrë drejtimin e kësaj skuadre, Hasi duket se ia ka “vënë syrin” serbit Filip Xhorxheviç. Klubi grek po këmbëngul për transferimin e këtij të fundit nga Lazio e Igli Tares.
Sipas medieve italiane, bisedimet mes palëve kanë avancuar dhe brenda kësaj jave mund të vijë zgjidhja që do e çonte sulmuesin serb në Greqi.
Xhorxheviç u transferua nga Nantes te Lazio, para tre vitesh dhe në 67 ndeshje ka arritur të shënojë vetëm 11 gola me kryeqytetasit.
Duket se dëmtimet e shpeshta të tij, kanë bërë që klubi i Lazios të heqë dorë nga ai dhe ta nxjerrë në merkato.
