Stuhia ka përmbysur varkën me turistë, e për pasojë kanë humbur jetën 11 persona.
Tragjedia ka ndodhur në liqenin Tabel Rock, në Misuri. Mediat lokale raportojnë se varka po transportonte rreth 30 persona, në liqenin që njihet si zonë turistike, pranë qytetit të Bransonit, kur dhe është përmbysur.
Fillimisht u raportua edhe për 7 pasagjerë të humbur, por me pas u njoftua se ata ishin gjetur.
Skuadrat e emergjencave i janë përgjigjur menjëherë thirrjeve për ndihmë. Sherifi i Qarkut, Doug Rader, tha se disa fëmijë ishin në bord kur varka u mbulua nga uji dhe u mbyt.
