Ish-futbolliti i kombëtares izraelite, Lior Asulin është vrarë nga terroristët e Hamasit në një festival muzikor që po mbahej në Izrael.
Hamasi shënjestroi festivalin mëngjesin e së shtunës duke e sulmuar me raketave, sulme nga të cilat mbetën të vdekur rreth 260 persona ku mes tyre ishte dhe Asulin, i cili përveç kombëtares së Izraelit, ka luajtur dhe me ekipet vendase të Hapoel Sheeva dhe Hapoel Tel Aviv.
Lajmi i rëndë u bë i ditur nga vetë ekipi i Hapoel Tel Aviv përmes një postimi në X, ku shprehen se “Me pikëllim të madh, u informuam se ish-lojtari ynë Lior Asulin u vra nga terroristët në festën në Reim”.
Disa media botërore filluan gjithashtu të shpërndajnë një foto të rëndë të pjesëmarrësve të vrarë të festivalit në jug të Izraelit. Në foto, duart e të vrarëve janë të lidhura. Pamjet tregojnë shenja torture, me sa duket sipas medive të huaja, janë tallur dhe torturuar para se të ekzekutoheshin.
