Një ngjarje e rëndë raportohet se ka ndodhur sot në Fier. Bëhet me dije se një 21 vjeçar është mbytur në kanalin e Pojanit, i cili ka qenë duke peshkuar me shokët.
I riu ka rënë aksidentalisht në kanal dhe fatkeqësisht nuk ka mundur që të dalë më. Në vendngjarje kanë mbërritur forcat policore dhe ambulanca, ndërsa kanë nisur kërkimet për gjetjen e trupit.
Fier/Informacion paraprak:
Rreth orës 12:40, në fshatin Pojan, dyshohet se duke peshkuar, ka rënë aksidentalisht në kanal dhe është mbytur shtetasi H. S., 21 vjeç, banues në Roskovec.
Shërbimet e Policisë ndodhen në vendngjarje dhe po punojnë për gjetjen e trupit të 21-vjeçarit. Grupi hetimor po punon për zbardhjen e plotë të rrethanave të ngjarjes.
