Një fëmijë është mbytur në plazhin e Portonovës në Zvërnec të Vlorës para 60 minutash tek i njejti vend ku u mbytën tre të rinjtë një muaj më parë.
Identiteti i fëmijës nuk bëhet ende me dije por thuhet se është 10 vjeç, ndërsa mësohet se nëna hyri të shpëtonte fëmijën e saj por e rrëmbeu dallga.
Fillimisht u dyshua se edhe nëna e fëmijës humbi jetën por pushuesit arritën ta nxirrnin dhe pas ndihmës së mjekëve ia doli të mbijetojë.
Vetëm 3 javë më parë në plazhin e Zvërnecit u mbytën 3 persona, 2 vajza dhe një djalë nga Maqedonia që hyri për t’i shpëtuar.
Vlen të theksohet se në këtë plazh nuk ka ende një roje bregdetare pavarësisht rrezikshmërisë e mbytjeve tragjike.
Komunikata e Policisë
Në Sallën Operative të Policisë ka ardhur një telefonatë se në vendin e quajtur ”Portanovë”, se tre shtetas të cilët ishin brenda në det kërkonin ndihmë.
Më ndihmën e pushueseve të rastit dhe të Policisë është bërë e mundur nxjerrja e tre shtetaseve nga deti, konkretisht shtetasja V.H., banuese në Kërkovë, sëbashku me 2 vajzat e saj, ku njëra nga vajzat, shtetësja A.H., 10 vjeçe ka ndëruar jetë, ndërsa vajzës tjetër i është dhëna ndihma e parë mjeksore dhe ndodhet jashtë rrezikut për jetën.
Shtetësja V.H, është transportuar për të marrë ndihmë mjeksore në Spitalin Rajonal Vlorë.
Grupi hetimor ka shkuar në vendngjarje dhe po punon për zbardhjen e plotë të rrethanave të ngjarjes.
