Një 14-vjeçar nga Librazhdi është mbytur pasi ishte duke u larë në lumin Shkumbin.
Policia e Elbasanit bën me dije se i mituri me inicialet K.A., 14 vjeç banues në fshatin Hotolisht ka qenë duke u larë në lumin Shkumbin, së bashku me vëllain dhe kushuririn e tij.
Ndërsa këta dy të fundit kishin tentuar ta shpëtonin, nuk ia kanë dalë, pasi 14-vjeçari kishte pirë mjaft ujë dhe ka ndërruar jetë.
Ngjarja ka ndodhur rreth orës 15:30 dhe mësohet se ambulance ka mbritur 1 orë me vonesë pas ngjarjes tragjike.
Grupi hetimor u dërgua menjëherë në vëndngjarje dhe po kryen veprimet hetimore dhe proçeduriale.
Ngjarja e ditës së sotme shënon numrin e 22 të personave të mbytur në ujë.
