Të tjera detaje janë zbardhur nga tragjedia në Tiranë, ku dy persona kanë humbur jetën si pasojë e asfiksimit nga gazi.
Gazetarja Anila Hoxha raporton se viktima, Altin Maksuti, 47 vjeç, jetonte me familjen e tij në Greqi dhe kishte ardhur në Shqipëri për të rikontruktuar banesën në Tiranë. Ai u gjet i vdekur së bashku me të afërmin e tij, Vladimir Bengu, rreth 56 vjeç.
Ngjarja ka ndodhur pas denoncimit të familjarëve në polici, pasi ata kishin humbur kontaktet me viktimat dhe nuk përgjigjeshin në telefon. Pas kontrollit në banesë, ata zbuluan trupat e pajetë të dy personave, të cilët dyshohet se kanë humbur jetën për shkak të gazit që ishte lëshuar nga ngrohësja.
Policia dyshon se ata ishin në gjumë dhe mund të kenë harruar të fiknin ngrohësen, duke shkaktuar ngarkesën e gazit. Ende nuk është e qartë nëse viktimat kanë ndërruar jetë gjatë natës ose vetëm sot.
