Po forcohet akoma dhe më shumë version se ajo çfarë ndodhi këto ditë në Greqi, posaçërisht në periferitë e Athinës, ku zjarret përzhitën gjithçka, e ku deri më tani janë regjistruar 81 të vdekur, ka për autorë njerëz konkretë. Policia greke arrestoi katër të dyshuar si autorë të zjarreve zjarreve që kanë shkaktuar një tragjedi të vërtetë. Sipas mediave të Athinës, ata janë të moshës nga 22 deri në 26 vjeç dhe u arrestuan ndërsa ishin fshehur në një nga shtëpitë e braktisura. Nga ana tjetër, autoritetet po hetojnë në lidhje me funksionimin e operacionit të ndihmës në zonat e zjarrit, nëse ka qenë në parametrat e kërkuara, dhe se nëse ka patur plane për evakuim në një situatë të tillë. Dhe gjatë këtyre hetimeve është vërejtur se një numër i madh ndërtesash të shkrumbuara përgjatë bregdetit, kanë rezultuar si të ndërtuara në mënyrë të paligjshme.
