Filmi artistik i metrazhit të gjatë “T’padashtun” mbërrin edhe në Gjakovë.
Pas prezantimit të këtij filmi me regji të Edon Rizvanollit në Prishtinë, tashmë filmi do të shfaqet edhe në Gjakovë.
“T’padashtun” do të nisë sot nga ora 20:00 në Parkun Kulturor “Ali Podrimja”, falë bashkëpunimit me Komunën e Gjakovës, Drejtorinë për Kulturë, Rini dhe Sport, si dhe Teatrin e Qytetit në Gjakovë.
Ky film me metrazh të gjatë është propozuar nga Kosova për Oscar, në kategorinë për filmin më të mirë të huaj.
“T’padashtun” është një dramë, e cila merret me pasojat dhe traumat e shkaktuar nga lufta e vitit 1999 në Kosovë.
Filmi trajton ngjarjen e një adoleshenti, i cili jeton me nënën e tij kosovare në Amsterdam dhe që rikthimi i traumave të nënës së tij ia “rrotullojnë” botën.
Në rolet kryesore janë Adriana Matoshi dhe Jason de Ridder.
