Ish- kryetarja e Parlamentit, Jozefina Topalli, me anë të një statusi në “Facebook” ka reaguar me tone të ashpra kundër kryetarit të PD-së, Lulzim Basha.
Ajo e quan një humbje katastrofale personale të Lulzim Bashës rezultatin e dalë nga zgjedhjet e 25 qershorit.
Topalli ka kërkuar dorëheqjen e parevokueshme të Bashës ose në të kundërt demokratët duhet të marrin fatin në dorë, me protesta dhe forma të ndryshme demokratike , me synim kthimin e PD -së demokratëve.
“Ne nje kohe dramatike per Partine Demokratike , pas nje humbje katastrofale personale te Lulzim Bashes, ka nje emergjence per demokratet.
Partise Demokratike duhet me i dal zot.
Ne nje situate si kjo , kur Lulzim Basha nuk pranon te marre as pergjegjesine qe i takon ,sic ndodh ne cdo vend te botes perendimore, ( pas e coi buze gremine PD), reagimi i tij eshte hileqar , tallje , tinzi , banalitet dhe papergjegjshmeri e frikshme qe mund te coje ne asgjesimin total te PD .
Ne keto kushte. Nese Basha nuk jep doreheqjen e parevokueshme, demokratet duhet te marrin fatin ne dore, me protesta dhe forma te ndryshme demokratike , me synim kthimin e PD -se demokrateve. Ngrirja qesharake , antistatuore eshte akt amoral, eshte fshehje nga faji e pergjegjesia. Fyerjq qe i beri demokrateve qe kerkojne te shpetojne nga asgjesimi Partine per te cilen kane punuar ne vite eshte e paprecedent dhe e pafalshme. Sa per dinjitetin qe kerkonte momentin kjo nuk ka lidhje me Lul Bashe. Ai eshte” i paafte per t’ u turpëruar,“-shkruan Topalli.
