Ish-kryeministri britanik, Tony Blair, është shprehur se ekziston mundësia për t’u rikthyer në politikë.
Gjatë një interviste për BBC-në, Blair ka thënë se ai do ta shpëtojë vendin e tij nga mbështetësit e kauzës për daljen e Britanisë së Madhe nga Bashkimi Evropian.
Ish-kryeministri është kundër daljes së vendit nga BE, dhe kritikon ashpër linjën që po ndjek kryeministrja aktuale Theresa May, para nisjes së negociatave të shkëputjes nga unioni.
Zgjedhjet e parakohshme të 8 qershorit, ai i konsideron si një çështje që qëndron mbi interesat e aleancave partiake.
Blair, i cili njihet ndryshe edhe si mik i ngushtë i kryeministrit Rama, është këshilltar i tij, “pa kosto për taksapaguesit shqiptarë”.
