Majlinda Kelmendi ka dështuar ta tregojë suksesin që e arriti në Lojërat e kaluara Olimpike.
Ajo në “Tokyo 2020” u mund qysh në raundin e parë nga xhudistja hungareze, Reka Pupp në kategorinë deri në 52 kilogram. Një waz-ari i marrë në shënim të artë, bëri që Kelmendit t’i ndalet synimi për të fituar një tjetër medalje olimpike.
Ishte trajneri i saj, Driton Kuka që pas eliminimit të Majlindës bëri një shkrim emocionues.
“Krenaria e veprimtarisë time …Majlinda të falenderoj për jetë!Do jesh gjithmonë Kampione Olimpike, Botërore e Evropiane! Sot mos u hidhëro, puna e sakrifica, djersa e gjaku që ke derdhur për veten tande, për mua, familjet tona, popullin shqiptar tu ka shpërblyer gjatë karrierës. Mos u hidhëro se e arta e Disit është e të gjithë neve e ekipit tonë. Mos u hidhëro sot të lutem, kokën lartë se aq shumë gëzime i ke dhuruar popullit Shqiptar!Zoti të ka shpërblyer punën tande,lëndimet ishin sfida që aq shumë të munduan ty fizikisht e mua shpirtnisht.Kokën lartë Majlinda!Krenar me ty deri në frymën time të fundit” – shkroi Kuka në profilin e tij në Facebook.
Indrit Çulhaj
Përfaqësuesi i Shqipërisë në Lojërat Olimpike “Tokyo 2020” xhudisti, Indrit Çulhaj i cili garonte në kategorinë deri në 66 kg është dorëzuar pas 11 minutash në përballjen me kundërshtarin e tij nga Kosta Rika, Sancho Çinçilla. Përballje e cila ka përfunduar me dëmtim në kapjen e fundit, ndërsa është dashur të shoqërohet jashtë tapetit me barrelë./ekspress
