Zjarret në pyjet pranë Athinës u kanë marrë jetën mbi 50 personave, raportojnë mediat greke. Por ka edhe viktima të tjera.
Në afërsi të zonës Rafina, forcat e shpëtimit kanë gjetur edhe 26 viktima të tjera, raportojnë ndihmësit e Kryqit të Kuq dhe zëvendëskryetari i bashkisë së rajonit, Jorgos Kokolis të martën në mëngjes.
Qindra punonjës të shërbimit të zjarrfikës janë duke luftuar më flakët për të bërë të mundur shuarjen e tyre. Banorët kanë braktisur shtëpitë për tu shpëtuar flakëve. Autoritetet njoftojnë së numri i viktimave mund të rritet. Më shumë se 1000 shtëpi janë djegur dhe 300 automjete kanë dalë jashtë përdorimit.
Kryeministri Aleksis Tsipras ka shpallur gjendjen e jashtëzakonshme në rajonin e Atikas. Disa vende evropiane Italia, Polonia, Gjermania dhe Franca dërgojnë avionë për neutralizimin e flakëve.
Ndërsa më poshtë ju keni mundësi që të shikoni momente e tmerrit dhe paniku ku njerëzit kanë qëndruar në bregdet për t’u shpëtuar flakëve ndërsa presin që autoritete t’u vijnë në ndihmë.
