Tifozët Kuq e Zi nuk do të jenë prezent për t’i dhënë lamtumirën kapitenit legjendar të Kombëtares, Lorik Cana, për shkak të bojkotit pa afat në ndeshjet që Shqipëria luan brenda. Nëpërmjet një postimi në faqen e “Facebook”, “TKZ” i kanë kërkuar falje Lorikut që nuk do të jenë në stadium për të thirrur edhe një herë emrin e tij.
POSTIMI:
Faleminderit Kapiten!
Të na falësh që nuk do të jemi aty të thërrasim edhe një herë emrin tënd sot siç kemi bërë për vite me radhë në të gjitha stadiumet e Europës. Na fal, por na detyruan!
Je dhe do të mbetesh përgjithmonë Kapiteni ynë. Faleminderit për gjithçka! Shihemi së shpejti!
P.s. Tash të presim edhe në tribuna ta përkrahim Kombëtaren së bashku!
#FaleminderitKapiten #LorikCana5
