Ushtria izraelite deklaroi se ka vrarë dy liderë të lartë të Hamas në sulmet në Rripin e Gazës. Bëhet fjalë për Muhammad Awdallah, komandanti i sistemit raketor anti-tank të Brigadës së qytetit të Gazës.
Ndërkohë, i dyti është Akram Hijazi i Forcave Detare të Hamasit, përgjegjës për drejtimin e sulmeve terroriste ndaj Izraelit nga Gaza.
Ndërkohë, mbrëmë e gjithë bota u trondit nga një sulm i rëndë, ku një raketë goditi një spital në Gaza dhe për pasojë u vranë mbi 500 persona. Hamasi fajësoi Izraelin, ndërkohë ky i fundit ka lëshuar akuza ndaj grupit ‘Xhihadit Islamik’.
