Ish-kapiteni i Barcelonës, Andres Iniesta i cili këtë verë u largua nga klubi katalan ka pasur edhe një “divorc” tjetër ditën e sotme, por kësaj here jo me klubin ku luan në Japoni, por me kompaninë “Nike”.
Mesfushori spanjoll ka patur një bashkëpunim për 19 vite radhazi, ndërsa sot ka njoftuar se nuk do të vijojë më bashkëpunimin. Iniesta do të mbahet mend gjatë nga tifozët, pasi gjatë karrierës së tij nuk e ka tradhtuar asnjëherë klubin e Barcelonës, por numëron plot 22 vite në radhët e saj.
Ai ka kaluar nga moshat në skuadrën e parë, ku më pas luajti duke mbajtur lart ekipin dhe Kombëtaren e Spanjës.
Spanjolli vijon karrierën në Japoni me skuadrën e Vissel Kobes, ndërsa menjëherë ka patur mikpritje edhe në Azi, sepse është talenti ai që i ka hapur çdo derë fantazistit spanjoll.
Gjatë Kupës së Botës, Andres Iniesta ishte pjesë e “Furisë së Kuqe”, por vendi organizator eliminoi Spanjën e tij. Kjo ishte edhe aventura e fundit e Iniestës në radhët e Kombëtares së Spanjës.
