Gjatë një operacioni në rrugën “Myslym Shyri”, Policia e Tiranës ka arrestuar në flagrancë tre trafikantë droge.
Burime nga policia e kryeqytetit kanë bërë me dije se gjatë shkëmbimit të heroinës, trafikantët kanë vërejtur automjetin e policisë. Ata kanë tentuar të largohen nga vendngjarja me anë të breshërisë me plumba në drejtim të bluve, por kanë përfunduar duke u përplasur me makinat e tyre.
Blutë e Tiranës kanë sekuestruar gjithashtu, 1 kilogram drogë të llojit heroinë. Sipas të dhënave paraprake, fatmirësisht, gjithçka është mbyllur pa të lënduar. Identiteti i të arrestuarve është mbajtur sekret, pasi cilësohen si persona me rrezikshmëri të lartë.
