Një ngjarje e rëndë ka ndodhur në orët e para të mëngjesit të sotëm në rrugën “29 Nëntori” në kryeqytet.
Një 70-vjeçar është përplasur nga një automjet ndërsa ishte duke kaluar trafik-ndarësen.
Për pasojë i moshuari, i cili sipas policisë nuk është identifikuar ende, ka humbur jetën.
Njoftimi
Tiranë/Informacion paraprak
Me datë 29.04.2025, rreth 02:25, në rrugën “29 Nëntori”, automjeti me drejtues shtetasin J. M., rreth 35 vjeç, ka aksidentuar një këmbësor ende të paidentifikuar rreth 70 vjeç, i cili po kalonte trafikndarësen, dhe si pasojë ka humbur jetën.
Drejtuesi i automjetit është shoqëruar në Komisariat, për veprime të mëtejshme.
Grupi hetimor po punon për sqarimin e rrethanave të aksidentit dhe për identifikimin e viktimës.
