Kryeministri Rama foli për risitë në pr/buxhetin e vitit të ardhshëm, ku e vuri theksin tek bonusi që marrin familjet për lindjen e fëmijëve. Teksa aktualisht ky bonus është 5 mijë lekë, Rama nga ambientet e Kryeministrisë deklaroi se kjo shumë do të 8-fishohet për fëmijën e parë, duke e bërë 40 mijë lekë, ndërsa për fëmijën e dytë ky bonus do të jetë 80 mijë lekë, ndërsa për fëmijën e tretë do të jetë 120 mijë lekë.
Arrestimi i Safet Bajrit, një nga anëtarët e grupit kriminal që u godit së fundmi, ka shkaktuar një përplasje në distancë mes autoriteteve shqiptare dhe atyre belge. Shkak, me sa duket është bërë një deklaratë e zv.ministrit të Brendshëm, Besford Lamallari, për mediet belge, i cili është shprehur se autoritetet e këtij vendi kanë vonuar me 5 muaj dërgimin e dosjes për këtë shtetas.
Policia e Kosovës pas një urdhëri të Prokurorisë Themelore në Prishtinë, arrestoi deputetin Milaim Zeka, për shkak të kërcënimit të Prokurorit Special, Afrim Shefkiu. Pas intervistimit, me vendim të Prokurorit, Zekës i është shqiptuar masa e ndalimit prej 48 orëve. Zeka kishte kërcënuar Prokurorin Special, Afrim Shefkiu, duke thënë se do ta ndjekë atë me gjyq, kanun e privatisht.
Këto dhe zhvillime të tjera mund ti gjeni në “Tirana Today”.
Për të rejat më të fundit dhe zhvillimet më të zgjeruara, klikoni në www.tiranatoday.com, ose shkarkoni në App Store dhe Play Store “Tirana Today”.
