Zv. Presidentja e Partisë së Lirisë, Erisa Xhixho, ka reaguar ashpër ndaj një situate të rënduar në zonën e Komunës së Parisit, ku sipas saj banorët janë përballur me ujë të ndotur dhe me erë, të papërshtatshëm për përdorim.
Përmes një postimi në Facebook, Xhixho publikoi edhe një foto nga terreni, ndërsa i cilësoi zhvillimet si një skandal shëndetësor i shoqëruar me mungesë totale transparence nga autoritetet.
“Banorë të shumtë të zonës së Komunës së Parisit më kanë shkruar gjatë orëve të fundit për furnizimin me ujë të papërdorshëm, me ngjyrë dhe erë. Për më shumë se 24 orë, atyre nuk iu dha asnjë shpjegim për shkakun e ndotjes së ujit.”
Xhixho ironizoi gjithashtu faktin që kjo situatë ndodhi në ditën e hapjes së fushatës elektorale të mazhorancës, duke kujtuar një nga premtimet e pambajtura të saj:
“Është ironike sesi kjo situatë ndodh pikërisht në ditën kur çel fushatën partia që 12 vite më parë u premtoi qytetarëve ujë 24 orë. Ende sot ky premtim nuk është bërë realitet.”
Në përfundim, Xhixho i bëri thirrje qytetarëve për ndryshim politik:
“Qeveria e mashtrimeve duhet të ikë. Më 11 maj, zgjidhja është vota për Aleancën për Shqipërinë Madhështore.”
https://www.facebook.com/share/1XqyUw5G4V/?mibextid=wwXIfr
