Përdorimi masiv i TikTok në Shqipëri ka sjellë shqetësime dhe ka qenë një temë diskutimi e madhe, e pasuar nga një vendim i qeverisë për mbylljen e aplikacionit për një vit. Kryeministri Edi Rama njoftoi në dhjetor se procesi i mbylljes do të kërkonte një periudhë kohore prej 6-8 javësh. Për këtë arsye, qeveria ka ngritur një grup pune për të trajtuar çështjen dhe është në bisedime me kompaninë e TikTok për të adresuar shqetësimet.
Eksperti i IT, Tomi Kallanxhi, theksoi se Shqipëria ka një trafiku të lartë të përdoruesve të TikTok në Ballkan, duke gjeneruar mbi 56 milionë shikime videosh në ditë. Megjithatë, mbyllja e plotë e TikTok është një sfidë e madhe për shkak të numrit të madh të ofruesve të shërbimit interneti dhe nevojës për kontrollin e trafikut që kalon përmes ISP-ve (furnizuesve të shërbimit internet).
Një nga metodat për të evituar bllokimin është përdorimi i VPN (Virtual Private Network), e cila lejon qytetarët të aksesojnë aplikacionin TikTok përmes serverëve të jashtëm. Po ashtu, përdorimi i e-SIM dhe ndryshimi i vendndodhjes në AppStore është një tjetër mundësi për të shmangur bllokimin.
Qeveria shqiptare ka nxjerrë këtë vendim për të adresuar ndikimin negativ të mundshëm të TikTok, sidomos tek të rinjtë, përfshirë shqetësimin për mungesën e filtrit për gjuhën shqipe, çka lejon përdorimin e fjalëve fyese dhe bullizuese në aplikacion.
