Pas barazimit mes shumë polemikash në Vlorë tifozët e Flamurtarit kanë tentuar të godasin gjyqtarët e ndeshjes për atë gol të anuluar në minutat e fundit. Ata ishin mbledhur para hyrjes së tribunës qendrore dhe në momentin që gjyqtarët do të largoheshin kanë tentuar ti godasin ata dhe makinën e tyre. Por ka ndërhyrë menjëherë policia dhe administratori i ekipit vlonjate, Sinan Idrizi për të qetësuar situatën.
Tifozët nuk janë lejuar të futen në stadium në këtë ndeshje pasi ekipi është dënuar të zhvillojë katër ndeshje pa tifozë, pas dënimit të dhënë nga Komisioni i Disiplinës pranë FSHF. Por spektakli i tyre nuk ka munduar pasi janë shfaqur në majën e një pallati ku kanë shpalosur një baner me mbishkrimin “Rroftë shoku Napoleon”.
