Pas humbjes 1-2 të “Juventus” me “Manchester United”, tifozët e ekipit britanik e kanë me Ronaldon. Atyre u ka bërë përshtypje “show” i tij pas shënimit të golit të parë dhe të vetëm për Juventusin. Ronaldo realizoi një gol vërtet të jashtëzakonshëm, por skuadra e tij humbi.
Porse humbja ka zvogëluar edhe të gjithë shfaqjen që Ronaldo realizoi pas shënimit të golit, duke u treguar spektatorëve dhe telespektatorëve muskujt e barkut.
Pikërisht kjo shfaqje e Ronaldos është ironizuar nga tifozët e Manchester-it, të cilët kanë postuar në rrjetet sociale pafund batuta ironike. Ja disa prej tyre:
“Juan Mata i tregon Ronaldos se ndeshja nuk fitohet me muskujt e barkut”.
“Ata duhet ta kishin intervistuar Ronaldon pas ndeshjes. Por ai mbase ishte shumë i zënë duke numëruar muskujt e barkut, për t’u bindur se nuk kishte humbur ndonjërin”. TIRANA TODAY
