Princi saudit i kurorës, Mohammed bin Salman, i dyshuar se urdhëroi vrasjen e gazetarit Jamal Khashoggi dhe i akuzuar për krime lufte në konfliktin e Jemenit, i tha presidentit të Francës, “Mos u shqetëso” në samitin G20, në Buenos Aires
Dy liderët po qëndronin pranë njëri-tjetrit, ku po bënin një bisedë informale pa pasur mendjen se biseda e tyre po regjistrohej. Subjekti i bisedës nuk ishte i qartë, por një burim presidencial tha se vrasja e Khashoggit dhe konflikti në Jemen ishin dy çështjet kryesore ku u fokusua biseda.
Sipas analizës së bërë nga The Guardian, duke u bazuar në mimikën e tyre, Macron i përgjigjet princit: “Shqetësohem. Jam i shqetësuar… Të tregova.”
“Po, më the. Shumë faleminderit”, përgjigjet princi.
“Ti nuk më dëgjon kurrë”, thotë Macron.
“Jo, dëgjoj sigurisht”, përgjigjet princi Mohammed i cili qesh kur vë re kameran e televizionit që po regjistronte.
“Sepse të thashë. Ishte më e rëndësishme për ty”, thotë Macron i cili buzëqesh shpejt e më pas kthen kurrizin nga kamera për të vijuar bisedën me princin.
Më pas, Macron thotë diçka tjetër, ndërsa lideri saudit thotë: “Është OK. Mund të merrem me të”.
Pas një segmenti të paqartë të bisedës, Macron thotë: “Unë jam një burrë i fjalës”./ TIRANA TODAY
