Stephen Hawking, i cili ka ndërruar jetë mëngjesin e sotëm. Ai ishte një nga kozmologët më të mirënjohur në botë. Pasi u diagnostikua nga një sëmundje e rëndë në 1964 në moshën 22 vjeçare, atij i thanë se i kishin mbetur vetëm disa vite jetë.
Megjithatë, profesor Hawking festoi 70 vjetorin e tij gati gjysmë shekulli më vonë si një nga shkencëtarët më të shkëlqyer dhe më të famshëm të epokës moderne.
Pavarësisht se jetoi në një karrige me rrota, pothuajse tërësisht i paralizuar dhe i paaftë për të folur përveçse përmes sintetizuesit të zërit, ai shkroi një bollëk letrash shkencore duke e krahasuar atë me Albert Ajnshtajn dhe Sir Isaac Newton.
Fama e tij dhe marrëdhëniet me bashkëshorten e tij të parë, Jane, u dramatizua në një film në vitin 2014. Gruaja e tij e dytë ishte Elaine Mason me të cilën u martua më 16 shtator 1995. Gjatë gjithë karrierës së tij Prof Hawking u mbulua me diploma nderi, medalje, çmime dhe shpërblime, dhe në vitin 1982 u bë CBE.
