Një 30 vjeçare nga Tirana është arrestuar nga Blutë e kryeqytetit, ndërsa tre shtetas të tjerë të lidhur me këtë rast janë shpallur në kërkim. Mësohet se Milena Deraj, përmes mashtrimit, u kishte marrë para tre shtetasve nga Shkodra duke pretenduar se do i ndihmonte me një gjyq.
Mirëpo, shtetasit A. V., Sh. V. dhe H. V., kur e kanë parë se “puna” për të cilën ata kishin dhënë paratë nuk po kryhej, e kanë kërcënuar 30 vjeçaren për të marrë mbrapsht paratë.
Nga veprimet e thelluara hetimore të Policisë së Shtetit është dokumentuar edhe një rast tjetër mashtrimi i kryer nga shtetasja Milena Deraj, e cila gjatë një viti, i ka marrë në total rreth 230,000 euro, një shtetaseje, duke i premtuar se do t’i investonte paratë në bono thesari.
Njoftimi i plotë i Drejtorisë Vendore të Policisë Tiranë:
Strukturat hetimore të DVP Tiranë, në vijim të punës për goditjen e paligjshmërive, kanë organizuar dhe finalizuar operacionin policor të koduar “Last fraud”, si rezultat i të cilit u bë ndalimi i shtetases M. D., 30 vjeçe, banuese në Tiranë. Gjithashtu u shpallën në kërkim shtetasit A. V., Sh. V. dhe H. V. (babai dhe dy djemtë), të tre banues në Shkodër.
Kjo shtetase iu ka marrë në mënyrë të përsëritur, shuma të mëdha parash, shtetasve A. V., Sh. V. dhe H. V., duke i premtuar se do t’i ndihmonte ata në një proces gjyqësor.
Në vijim të veprimeve u shpallën në kërkim shtetasit A. V., Sh. V. dhe H. V., pasi me vetëgjyqësi kanë kanosur shtetasen M. D., për kthimin e parave.
Nga veprimet e thelluara hetimore është dokumentuar edhe një rast tjetër mashtrimi i kryer nga shtetasja M. D., e cila gjatë një viti, i ka marrë në total rreth 230 000 euro, një shtetaseje, duke i premtuar se do t’i investonte paratë në bono thesari.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshmëm Tiranë, për veprime të mëtejshne procedurale.
