Salah Abdeslam, i mbijetuari i vetëm nga komandoja terroriste që sulmoi Parisin më 13 Nëntor të vitit 2015, refuzoi të flasë përpara gjykatësit këtë të hënë. Heshtja nuk më bën kriminel apo fajtor, myslimanët keqtrajtohen kudo në botë. Për ne nuk ka asnjë mëshirë apo prezumim pafajësie, nuk kam frikë nga ju apo nga aleatët tuaj, unë kam besim të Allahu, ishin fjalët e pakta të terroristit francez me origjinë marokene.
Për 28-vjeçarin dhe bashkëpunëtorin e tij Sofien Ayari, prokuroria belge kërkoi 20 vjet burg pa të drejtë përfitimi të uljes së dënimit.
Ligji anti-terror në Belgjikë nuk lejon as shfaqjen e fytyrë së Abdeslam. Pallati i drejtësisë në Bruksel ishte një blinduar krejtëisht këtë të hënë, gjatë procesit të terroristit të Parisit. Abdeslam nuk ka hapur gojë që prej arrestimit të tij.
Salah Abdeslam mbahet në një burg të sigurisë së lartë në Paris, por nuk mund të gjykohet nga drejtësia franceze pa u përballur me akuzat që rëndojnë ndaj tij në Belgjikë, vendi ku ai u kap më 18 mars të vitit 2016.
Bashkë me 8 terroristë të tjerë të Shtetit Islamik, Salah Abdeslam, tronditi zemrën e kryeqytetit francez, duke shkaktuar 130 viktima në 4 sulme terroriste të sinkronizuara.
