Një tërmet me magnitudë 7.1 ballë ka tronditur brigjet perëndimore të Kilit, duke lëkundur kryeqytetin Santiago.
Fatmirësisht, tërmeti u përqëndrua 35 km në perëndim të qytetit bregdetar të Valparaisos, në një thellësi të cekët prej 10 km nën shtratin e detit, duke shmangur kështu pasojat katastrofike.
Fillimisht, autoritetet urdhëruan evakuimin parandalues të zonës bregdetare pranë Valparaisos, rreth 97 km në perëndim të Santiagos, në rast të një cunami, por e anuluan pak kohë më pas.
Sipas raportimeve, nuk pati dëme të mëdha, ndërsa rrjetet telefonike kishin rënë në disa vende.
