Paolo Tagliavento tashmë një ish-arbitër, pasi është tërhequr dhe do të jetë pjesë e ekipit që luan në Serie C, Ternana. Ai për 14 vite drejtoi ndeshje në kampionatin italian, si dhe në FIFA e UEFA nga viti 2007 deri në 2017.
Njoftimin e bëri zyrtar skuadra e re, e së cilës ai do të jetë pjesë: “Ternana Calcio është e kënaqur që Paolo Tagliavento ka pranuar rolin e menaxherit”, shkruhej në një deklaratë në faqen zyrtare të Rossoverde.
“Një ish-arbitër ndërkombëtar (221 ndeshje në Serie A, 28 në Ligën e Kampionëve dhe 32 në Europa League) dhe tifoz i Rossoverde, ai ka qenë gjithmonë një njohës i thellë i futbollit italian dhe evropian.
Tagliavento menjëherë krijoi një marrëdhënie pozitive me klubin, veçanërisht me presidentin Stefano Ranucci. Roli që ai ka marrë do ta shohë të angazhuar 360 ° në fusha të ndryshme korporative dhe teknike.”
Tagliavento, i cili është 46 vjeç, ka lindur në Terni. Pavarësisht karrierës së tij si një arbitër ndërkombëtar, ai dëshmoi gjatë skandalit të Calciopolit në 2006. Ai ka qenë gjithmonë i akuzuar si një tifoz i Juventusit dhe se e ka ndihmuar atë në momente të caktuara. Rastet që rëndojnë më shumë mbi të është kur Muntari shënoi golin e barazimit1-1në vitin 2012 gjatë ndeshjes Juventus-Milan, gjë të cilët e pranoi edhe vetë më pas.
Ndërsa së fundmi ai është kritikuar për ndeshjen mes Interit pak javë para se të mbaronte kampionati italian, ku Tagliavento ishte arbitër i katër. Një karton i kuq dhe disa fjalë të cilat lanë shumë dyshime në atë takim dhe më pas ai takim miqësor me trajnerin e Juventusit, Allegrin ngriti shumë dyshime. Por në fund asnjë masë nuk u mor nga askush.
