Në brigjet e Malit të Zi janë rikthyer grupi i anijeve që bombarduan flotën detare të Millosheviçit, pikërisht në vendin ku ndodhi aksioni 19 vjet më parë.
Dje ato anije kanë ardhur në atë vend të ftuar nga qeveria e Malit të Zi, vend i cili është anëtar i NATO-s tashmë.
Pikërisht si sot më 24 mars 1999, anijet e NATO-s kanë lëshuar një seri raketash ndaj anijeve dhe vendstrehimeve të flotës jugosllave që ishin vendosur kryesisht në portin e Tivarit.
Ky demonstrim ka irrituar rusët, që nëpërmjet portalit kryesor të propagandës, Sputnik e kanë cilësuar këtë veprim si “kthim në vendin e krimit”.
Duket se nuk është fare rastësi por një marketing politik nga ana e NATO-s, e cila jo rastësisht ka zgjedhur Tivarin, një qytet shqiptar që u dha Malit të Zi në Kongresin e Berlinit në vitin 1878.
Kanë qenë pikërisht një grup anijesh të Mbretërisë së Bashkuar dhe Spanjës që kanë lundruar dhe ankoruar në portin e Tivarit.
Dhe Sputnik nuk mbahet, por lëshon siluret e sulmeve ndaj Aleancës Veriatlantike.
“Kjo ndodhi vetëm një ditë përpara 19-vjetorit të bombardimeve të NATO-s, kur humbën jetën 2.000 njerëz”, shkruan Sputnik, i cili shton se edhe pritja e bërë nga një oficer shqiptar i marinës ushtarake malazeze nuk është rastësi.
“Zëvendës komandanti i Marinës së Malit të Zi, KapiteniYusuf Jonuzi ka ofruar një pritje për komandantin i grupit të anijes së NATO-s thekson Sputnik, duke referuar si burim televizionin e Malit të ZI.
“HMS Duncan” (D-37) është një destrojer me një gjatësi prej 152.4 m, gjerësi prej 13.8 metra, kapacitet maksimal mbajtës të 8.500 ton, dhe ecën me shpejtësi maksimale 30 nyje.
“SPS Victoria” (F-82), është një Fregatë, në përdorim operacional që nga viti 1987. Anija ka një gjatësi prej 137,7 m, një gjerësi prej 14.3 metra kapacitet maksimal 4,445 ton dhe me shpejtësia maksimale 30 nyje, shkruan tesheshi. Gjatë vizitës së anijeve janë planifikuar një sërë aktivitetesh të përbashkëta.
