Qeveria serbe dhe ajo e Kosovës duhet të rivendosin dialogun e tyre dhe të shmangin përkeqësimin e marrëdhënieve. Kjo është thirrja që bën shteti gjerman pas situatës së tensionuar mes dy shteteve.
Zëdhënësi Steffan Seibert është treguar kritik me të dyja shtetet, teksa nga njëra anë kritikoi lobimin e Serbisë kundër pranimit të Kosovës në Interpol, si dhe vendimin më pas të Kosovës për të rritur tarifat 100 për qind në mallrat e importuara nga Serbia.
“Ne i bëjmë thirrje të dyja palëve për të shmangur përkeqësimin e marrëdhënieve”, tha Seibert në Berlin, duke shtuar se për normalizimi i marrëdhënieve mes Serbisë dhe Kosovës, është një parakusht për negociatat për anëtarësimin e Serbisë në Bashkimin Evropian.
