Pas rritjes së tensioneve në rajon, Kina ka bërë lëvizjen e radhës. Ajo ka përuruar me një ceremoni festive një aeroplanmbajtëse të re, të cilën e nxorën në det.
Mjeti lundrues doli nga porti ku u ndërtua në qytetin verilindor Dalian, ndërsa do të jetë plotësisht funksional në vitin 2020, por që tani dërgon mesazhin e militarizimit të mëtejshëm të rajonit, ndërsa tensionet mes fqinjëve aziatikë sa vijnë e shtohen.
Edhe pse komuniteti ndërkombëtar pret që Kina të ndikojë në zgjidhjen e krizës së Koresë së Veriut, nuk është e qartë se si mund të ndihmojë në këtë drejtim përforcimi i ushtrisë kineze.
