Lazio e nisi seronin e ri në Serie A me një humbje e cila duket se ka ‘tronditur’ kampin e kaltër. Edhe pse ishte Napoli që i mposhti, një skuadër që nuk ka bërë shumë ndryshime dhe ishte shumë pran shpalljes kampion në sezonin që lamë pas për presidentin Lotito duket se nuk ka justifikime.
Mes Lotitos dhe trajnerit Inzaghi duket se ka pasur një telefonatë aspak miqësore në përfundim të takimit, ku presidenti supozohet të ketë ngritur zërin ndaj trajnerit. Kur ka ndodhur telefonata dikush aty pranë ka qenë i gatshëm me telefon dhe e ka filmuar kur Lotito hakërrehej ndaj trajnerit.
“Simone, vendos unë, nuk vendos ti. Ta kam thënë në të gjitha mënyrat, se dua të di me siguri kush është mirë dhe kush nuk është mirë. Ti ankohesh gjithmonë dhe për gjithçka. Ke një skuadër që vlen 10 herë më shumë sesa vlejnë të tjerat”. Ky debat në një moment të tillë nuk i shkon për shtat aspak klubit lacial, pasi ka para një ndeshje mjaft të vështirë në transfertë përballë Juventusit. Në rast humbje atëherë Lazio do të ketë një nisje mjaft të keqe të kampionatit, pasi në dy ndeshjet e para do të ketë zero pikë.
