UFC mund të jetë një nga sportet e fundit të mbetura që i qëndrojnë larg politikës, por atletët gjithsesi nuk kanë frikë të ndajnë bindjet e tyre me të gjithë.
Të shtunën në mbrëmje, u zhvillua eventi UFC 262 në Toyota Center në Hjuston, Teksas.
Pasi Beneil Dariush dominoi Toni Fergusonin në ring, duke arritur fitore me vendim unanim të gjyqtarëve, luftëtari fitues u intervistua nga Xho Rogan për të marrë mendimet e tij lidhur me ndeshjen. Dariush gjeti kohën për të dalë në mbështetje të viktimave të komunizmit në të gjithë botën.
“Së pari, unë dua të falënderoj Zotin dhe shpëtimtarin tim Jezu Krishtin, kjo është e para,” – i tha Dariush Roganit dhe miliona fansave që panë eventin në të gjithë botën. “E dyta, dua t’ia kushtoj këtë fitore të gjithë njerëzve që janë goditur nga ideologjitë marksiste. Jeni miliona. Është thjesht një ndeshje në ring, e di që nuk është shumë, por dua që ju ta dini se ju dua. E kuptoj dhimbjen tuaj … jo plotësisht, por ju dua. E kuptoj dhimbjen tuaj.”
Totila Kotorri/ Tirana Today
