Kryeministri Edi Rama ka ironizuar sërish kreun e Partisë Demokratike, Sali Berishën, duke shpërndarë një video ku shfaqen disa bufa. Në sfondin e videos dëgjohet një fragment i fjalimit të Berishës, ku ai flet për “të vërtetat” që, sipas tij nuk mund të fshihen, as nga “thellësitë e oqeaneve”, as nga “bërthama e tokës” dhe as nga “galaksitë”.
“Prisni, prisni se të vërtetat nuk ka gjë në botë. Të vërtetat nuk i fshehin dot as thellësitë e oqeaneve, as bërthama e tokës apo galaksitë. Kudo që të jetë ato do të dalin dhe shqiptarët do të marrin vesh se si po dalin ato vrullshëm”, dëgjohet duke thënë kryedemokrati. Ndërkohë Rama krahas videos shkruan: “Padiskutim”, duke ironizuar deklaratën e Berishës.
