Në prag të festave të fundvitit, Kopshti Nr. 51 në Tiranë u kthye në një hapësirë plot ngjyra, buzëqeshje dhe krijimtari. Fëmijët, së bashku me edukatoret dhe prindërit, organizuan një aktivitet festiv që përfshiu ekspozitë punimesh artistike, këngë dhe momente argëtimi. Përmes imagjinatës dhe punës së tyre, të vegjlit përcollën mesazhin se festat e fundvitit janë mbi të gjitha ndarje gëzimi, bashkëpunimi dhe dashurie.
Në prag të festave të fundvitit, Kopshti Nr. 51 në Tiranë u shndërrua në një hapësirë ngjyrash, krijimtari dhe gëzimi për fëmijët, prindërit dhe stafin edukativ.
Këto urime zemre mes gëzimit e emocioneve vijnë nga fëmijët që sollën një ekspozitë të veçantë punimesh artistike te realizuar nga vete ata.
Fryt i një pune kreative, këto kartolina e objekte të ndërtuara me materiale të riciklueshme janë produkt i imagjinatës së tyre.
Disa e gjejnë veten më shumë tek tablotë e penelat.
Krahas ndihmës së prindërve, kjo ekspozitë nuk do të ishte realizuar pa punën e palodhur të edukatoreve.
Si shembull i dashurisë që duhet të ndajmë me të tjerët të vegjlit na mësojnë se festat e fundvitit janë më shumë se dritat e pemës së krishtlindjeve dhe fishekzjarret e natës së ndërrimit të viteve.
Rreth 150 mijë u bënë bashkë për të shijuar këto momente, mes vargjeve që këndojnë.
Ky organizim shërben si një mënyrë për të nxitur vetëbesim dhe shprehjen artistike që në moshë të vogël.
Gjëra të bukura ndodhin aty ku ka vullnet për të marrë më të mirën prej fëmijëve.
