Michael Ngoo do të jetë sulmuesi i ri i Tiranës. 23-vjeçari ka luajtur me kombëtaret e moshave deri para tri vitesh. Gjiganti 198 cm i gjatë e ka nisur karrierën me Liverpulin, edhe pse nuk ka luajtur asnjë ndeshje zyrtare me ekipin e parë. Më pas është huazuar përkatësisht në skuadrat e Heart of Midlothian, Yeovil Town, Ualsall. Gjithsej me këto ekipe luajti pak dhe shënoi vetëm 5 gola.
Ai pësoi një dëmtim të rëndë në vitin 2013, kohë kur luante me ekipin Heart of Midlothian dhe humbi gjithë sezonin. Prej asaj kohe, Michael Ngoo nuk ka mundur të jetë konstant në ekipet që ka luajtur, megjithëse me një potencial të jashtëzakonshëm.
Në sezonin 2014-2015, ai u transferua te Kilmarnokku luajti vetëm 6 ndeshje pa shënuar asnjë gol. Më pas shkoi te Bromlej ku luajti vetëm një ndeshje. Në verën e vitit 2016 kaloi tek Oldham Atletik ku luajti 13 pa shënuar asnjë gol. Pak ditë më parë ai prishi kontratën me këtë klub në mënyrë konsensuale.
Burime pranë Tiranës bëjnë me dije se është arritur marrëveshja me lojtarin për një shumë prej afro 5 mijë eurosh në muaj dhe se kjo mund të zyrtarizohet sot ose nesër.
