Jemi në vite ku patriotizmi shitet dhe blihet me para dhe në publik kanë më tepër vlerë kartonat sesa puna konkrete. Këto ditë në Preshevë është përhapur epidemia e vërtetimeve si pjesëmarrës në luftë. Ndaj për këtë arsye ka reaguar OVL e UÇPMB-së e cila thotë se qytetarët nuk duhet të manipulohen nga vërtetime false të lëshuara nga organe të tjera. Ndaj UÇPMB bën thirrje të mos u besohet organizatave të tjera.
Njoftimi i plotë
Ovl e UÇPMB-së njofton të gjithë veteranët dhe invalidët e luftës së lavdishme të UÇPMB-së se përsëri disa njerëz të paautorizuar janë duke lëshuar vërtetime në emër të kësaj organizate.
Ju bëjmë me dije të gjithë juve se ato vërtetime të cilat lëshohen jashta OVL-së janë të pavlefshme dhe jo legjitime dhe me qëllime të caktuara për të përfituar njerëz të caktuar.
OVL së bashku me ju (veteran e invalid të UÇPMB-së) gjithmonë duhet të jetë në mbrojtje të vlerave të luftës së lavdishme të UÇPMB-së.
Andaj duhet të jemi të vendosur në mbrojtjen dhe dinjitetin e ish ushtarëve tanë.
Ovl ju bënë thirrje edhe njëherë që të mos bini preh e këtyre manipulimeve dhe manipulatorëve sepse përgjegjësitë për këtë do ti bartin vetë ata.
Me respekt nga kryesia e OVL-UÇPMB.
