Gjuha shqipe është kthyer në një situatë që ka dominuar agjendën politike në Maqedoni, por nuk janë përjashtuar dhe rastet të thirrjeve antishqiptare në Manastir. “Të fortët”, apo të njohur në opinion si “Tvrdokorni” protestuan përpara Kuvendit të Maqedonisë për dygjuhësinë
Ata akuzuan deputetët dhe përfaqësuesit e Qeverisë se me miratimin e Ligjit për Gjuhët po e shesin Maqedoninë, emrin, identitetin dhe gjuhën. Gjatë protestës një pjesë e demonstruesve kanë djegur flamurin e Bashkimit Evropian.
”Armiqtë tanë të vërtetë qëndrojnë në objektin e Kuvendit dhe Qeverisë dhe tashmë me vite e shkatërrojnë popullin dhe shtetin tonë.06:05-06:17 Do të ecim në rrugën e drejtësisë me vëllezërit tanë maqedonas nga forcat e bashkuara dhe të gjithë të tjerët të cilët do të marrin pjesë në protestë me popullin maqedonas. Kjo është rruga e vetme e maqedonasve, nuk ka tjetër rrugë.Edhe sikur gjithë pasurinë e vendit ta kem, nëse e humbas atdheun unë jam një asgjë. Një boshllëk pa emër dhe identitet. Çfarë të duhet atdheu kur s’din ta duash. 10:00-10:11 Lufta nuk bëhet vetëm me armë ,lufta bëhet edhe me marrëveshje dhe bisedime në tavolina apo në tryeza të rrumbullakëta ku tani po shitet Maqedonia”-thonë ata.
Përveç revoltës kundër gjuhës shqipe, protestuesit kanë firmosur edhe një peticionin kundër ndërrimit të emrit Kushtetues. “Të fortët” protestat kundër shqipes i riaktualizuan që nga hyrja në procedurë kuvendore të Ligjit për Gjuhët me kërkesën që të hiqet dorë nga siç theksojnë ata zyrtarizimit të gjuhës shqipe në qytetet me shumicë maqedonase.
