Policia italiane ka kapur dy shqiptarë, të akuzuar për trafikim të lëndëve narkotike dhe posedim armësh. Shtetasit shqiptarë janë kapur me një sasi të konsiderueshme kokainë, plot 9 kilogramë, të cilën e kishin fshehur mes pemës së krishtlindjeve.
Po ashtu, veç kokainës atyre iu gjetën 4 pushkë gjysmë automatike si dhe 4 automatikë të njohur si “Skorpion”. Pema ishte vendosur në një kamion të nisur nga Holanda, që kishte si destinacion Shqipërinë.
Sipas mediave italiane, shqiptarët e kapur janë të moshave 40 dhe 54 vjeç, ndërsa sasia e drogës kapte vlerën e 10 milionë eurove nëse do dilte në treg.
Dy shqiptarët janë dërguar në burgun e Bonzalos, ndërsa priten të dalin shumë shpejt para togave të zeza për t’u njohur me masën e sigurisë.
