Ditën e sotme do të mbahet në GJKKO seanca për caktimin e masës e sigurisë ndaj 8 drejtorëve dhe ish-drejtorëve tëbashkisë së Tiranës. 8 drejtorët dhe ish-drejtorët akuzohen për veprën penale të korrupsionit në lidhje me të ashtuquajturën dosja 5D.
Mariglen Qato, Redi Molla dhe Taulant Tushe janë drejtorët e bashkisë që do të përballen me gjykatën ditën e sotme. Të tjerët, do të njihen me masën Detyrim për paraqitje. Sipas SPAK, Qato dhe Molla janë pronarë de facto të kompanisë 5D, e cila ka rezultuar fituese në disa tendera pranë bashkisë. Hetimi nisi kryesisht nga SPAK, më pas ka qenë Belind Këlliçi ai që dërgoi një kallëzim të ri për dosjen 5D.
